Nga Krenar Rugova
Nënskruesi 2044, Blerim Imeri, i ka kërkuar udhëheqësit të Eulex-it , Yves de Kermabon, të shprehet kundër krimit të gjakmarrjes sipas Kanunit të Lekë Dukagjinit. Shpresoj se shefi i Eulex-it, zoti Yves de Kermabon, do të bëjë një gjë të tilë. Një shprehje e zotit Yves de Kermabon, do të detyronte së pari Prishtinën zyrtare e pastaj edhe Tiranën zyrtare të marrin masat e nevojshme për çrrënjosjen e kësaj dukurisë primitive.
Një shprehje zyrtare kundër një plani të tillë do të dëshpëronte Beogradin, do të çorodiste investimet dhe pretendimet afatgjata serbe për pushtimin e tokave shqiptare. Shpjegohem. Sipas meje i ashtuquajturi Kanuni i Lekë Dukagjinit, në botimin që njihet sot, është i përgatitur nga akademikët serbë për dy qëllime kryesore:
Qëllimi i parë: Çoroditja e psikologjisë shqipare.
Qëllimi i dytë dhe më i rëndësishmi: Paraqitja e shqiptarëve në botë me atë psikologji për të thënë:”Ja si janë shqiptarët të organizuar dhe si e ndiejnë veten qoftë tradicionalisht qoftë sot. Ja ligjet e tyre (Kanuni i Lekë Dukagjinit). Si mund të tolerohet një organizim aq primitiv dhe aq antinjerëzor?
Të shohim pak historinë:
Kanuni i Lekë Dukagjinit u botua në vitin 1933, afër katër vjet pas vdekjes së autorit të pretenduar, Shtjefën Gjeçovi, të vrarë nga serbët sepse ishte patriot shqiptar. Disa thonë se e mban emrin e princit Lekë Dukagjini,i vdekur qindra vjet para se të dalë vepra me gjoja emrin e tij. Disa të tjerë thonë se flitet për rrethet gjeografike: Lekë ( malet) dhe rrafshin e Dukagjinit (Metohia – toka e shenjtë e kishës serbe!).
Logjika makiavelike serbe bazohet në faktin se njerëzimi dhe bota e qytetëruar nuk do të pranojë që tokat shqiptare të mbeten nën sundimin a atyre që funksionojnë me ligje aq primitive. Pra, ato toka duhet të nderohen nga serbët e civilizuar!
Ja pse Kanuni i Lekë Dukagjinit është pëgatitur së pari me shumë subtilitet në sërbisht. Për t’u dukur më i logjikshëm plani, është përkthyer dhe botuar së pari në shqip gjoja i nënskruar nga autori Shtjefën Gjeçovi që e kanë vrarë vetë serbët si armik 4 vite me parë. Pastaj, në italisht e frëngjisht, siç dihet.
Kur janë interesuar serbët për kulturën shqiptare dhe për libra shqip aq shumë? Kurrë! A i keni bërë vetes pyetjen pse serbët janë interesuar dhe interesohen aq shumë për Kanunin e Lekë Dukagjinit?
Në përfundim, pajtohem me këtë peticion dhe e nënskruaj. E lus zotin Bamir Topi dhe zotin Fatmir Sejdiu të shprehen kundër gjakmarrjes dhe kundër Kanunit të gjakmarrjes duke u dalë në ndihmë qytetarëve të pafajshëm.
- - - - - - - - - - - - - - -
Lexojeni librin në Internet kundër gjakmarrjes KANUNI i NEGLIZHENCËS, në adresën: http://kanuniineglizhences.blogspot.com/
