PATRIOTIZMI HELENIK ME ...KILE I ANTONIS SAMARAS

Edhe pse Greqia është de facto në pragun e falimentimit ekonomik, sa që tashmë është Bashkimi Evropian që dikton se çfarë masa ekonomike do të ndërmarrë qeveria –kukull- greke , -ÇUDITËRISHT- në stacionet radiofonike dhe kanalet televizive greke jepet- e përditshme- një reklamë politike .

-Që partia e ND-partia më e madhe opozitare greke- do të organizojë një konferencë partiake dhe-MADJE- do të flasë edhe kryetari i saj Antonis Samaras...

Çudia më e madhe e krizës ekonomike greke?!!! u zgjidh, u sqarua kësisoj...

Sa që grekët nuk i zë më gjumi , as i darkës dhe as i mesditës ( meqë papunësia faktike në Greqi është 20 % e grekët tashmë kanë kohë edhe për gjumin e mesditës ) nga meraku a do të mbajë ndonjë konferencë partiake ND-ja , e ca më tepër, a do të ketë kohë ( a kurajo politike ) kryetari i saj, Antonis Samaras që të mbajë ndonjë ligjëratë.

Se dihet që edhe koha për Antonis Samaras është flori. E , sidomos në kohë krize ekonomike.Ku floriri është më i shtrenjtë, më i kushtueshëm se kartmonedha e ...evrosë. E ky flori i kohës për Antonis Samaras është më i çmuar tashmë kur SIEMENS –sponsori politik – nuk financon më partinë si më parë.

Te koha e floririt e kemi muhabetin.

Dhe Samaras kohën politike –për të mbledhë floririn domethënë- e harxhon atje ku ka më shumë flori. Te “ meraku” i madh i patriotizmit helenik. Të zbulojë , të demaskojë e të luftojë ARMIKUN e kombit të Helenizmit.

E kush mund të jetë ARMIKU më i madh i Helenizmit në ditët më të zeza të krizës ekonomike që përjeton shteti e populli grek që nga 1821?

-Borxhi shtetëror?

Jo, derisa qeveritë greke janë “përkujdesuar” që me borxhet e mara tëë deritanishme të paguanin ushtrinë e pamatë e të manumëruar të nëpunësve shtetërorë. E pohoi edhe vetë ministri i financave greke, Papakostandinos.Që –AKOMA- shteti grek nuk mund të numërojë dot se sa nëpunës ka në administratën e saj.

-Statistikat e fallcifikuara që gatuheshin me porosi politike nga qeveria greke e dergoheshin sistematikisht në Bashkimin Evropian, a mund të jetë një ARMIK i mundshëm i Helenizmit grek?

Nuk e besoj.Derisa qeveria greke e Karamanlis me ndërgjegje të thellë politike i gatuante statistikat ekonomike për të mirën e popullit. Duke mashtruar Bashkimin Evropian, populli grek nuk kishte nevojë të djersitëte në punë, por mund të rronte duke vjelë çdo muaj rrogën e nëpunësit administrativ nga fondet e “ndihmesës” evropiane.Doni një shembull? Vetë dorën.Karamanlinë, pasi me “ ndershmëri burrërore” dorëzoi qeverinë e tashmë jeton i qetë –me pushime të gjata mujorevjetore – në Vjenë e Monevanshja, dhe –sigurisht- që çdo muaj i dërgojnë të paketuar edhe pensionin e përjetshëm të –ISHKRYEMINISTRIT!!!

Bashkimi Evropian i ka dërguar Greqisë një FERMAN urgjent! “Armiku” –dmth falcifikatori- i statistikave të ekonomisë greke të dënohet penalisht!!!

Dhe qeveria-kukull- greke , E DETYRUAR- kërkon që të ngrejë një komision hetimor parlamentar për të gjetur e ndërshkuar fallcifikatorët politikë.Domethënë (ish) ministrat dhe vetë (ish) kryeministrin grek Kostas Karamanlis.

Po ku është dëgjuar e parë që në Greqi të dënohen politikisht- pa mos e zë në gojë penalisht?!- politikani e qeveritari?

Dhe Antonis Samaras harxhon kohën e floririt duke u betuar e stërbetuar nga sabahu e deri në aksham se do të djegë vetë Greqinë, po të guxojë të ngrejë qeveria e tanishme komision hetimor parlamentar e të hetojë.... mosndershmërinë politike të fallcifikatorëve ish ministrave të ishqeverisë të partisë të tij.

Dhe Antonis Samaras harxhon kohën e floririt duke u betuar e stërbetuar nga sabahu e deri në aksham se do të djegë vetë Greqinë po të guxojë qeveria e Papandreut tu japë emigrantëve ...shtetësinë greke.

Dhe Antonis Samaras ka miliona evro që të harxhojë partia e tij për reklama politike në të gjitha sojet e stacioneve radiofonike e kanalet televizive që partia e tij do të organizojë një...konferencë partiake ku edhe vetë ai-dora vetë – kryetari- do të marrë mundimin që të ....ligjërojë...

Dhe Antonis Samaras ka miliona evro që të harxhojë partia e tij për reklama politike, kur

-populli grek do të paguajë koston e krizës ekonomike me rritjen e koefiçientit të taksave ( FPA) nga 19 % në 23 %

- populli grek do të paguajë koston e krizës ekonomike me shkurtime të vendeve të punës

- me shkurtimin e rrogës,

- me shtimin e përditshëm të taksave të karburantit, të të gjithë produketeve që derivatojnë nga rritja e taksës të karburantit.Nuk është e largët ku greku do të marrë borxh bankar për të mbushur edhe sarbatorin e makinës...

- me rritjen e taksave për pasurinë e patundshme.

- me rritjen e përditshme të taksave për cigare e pije alkolike

-me shkurtime të fondeve deri në masën 20 % edhe në sfera të arsimimit e të shëndetësisë shtetërore

Dhe Antonis Samaras për të peshuar se sa kile patriotizëm shet , harxhon miliona evro për reklamë politike që të njoftojë popullin grek se do të organizojë një konferencë partiake e do të demaskojë “ ARMIQTË “ e Helenizmit.Domethënë , “ ARMIQTË”- emigrantët që duan të ndihen të barabartë me qytetarin grek, dhe “ARMIQTË!-ata që duan të ngrejnë komisione hetimore partlamentarë që të dënojnë penalisht fallcifikatorët qeveritarë të Karamanlisit.

Sa janë këto miliona evro që harxhon Antonis Samaras për reklamë partiake në këto ditë të krizës më të thellë ekonomike të shtetit grek?

Llogariteni. Vetëm disa sekonda në tv e stacione radiofonike kushtojnë mijëra evro. Shumëzoheni me dhjetëra herë në ditë që ripërsëritet reklama , shumëzoheni gjeometrikisht me sa dhjetëra kanale tv e stacione radioje, shumëzoni edhe ditët deri kur do të mbahet konferenca partiake dhe –ME SAKTËSI MATEMATIKE- do të gjeni shumën e milionave evro.

Jassu patrioti i Helenizmit, Antonis Samaras!!!

JAKUP.B. GJOÇA

jakupgjoca@hotmail.com