Nga vlonjati Luan Kaman Çipi
Prisja nga ju, si njeri me boll njohuri, ( të demostruara në mediet internetike të diasporës) të reflektonit në fajin e pafalshëm të identifikimit t
ë gabua të të ndjerit Reshat Agaj, thjeshtë duke shtrembëruar të vërtetat dhe argumentat e gazetarit Dalip Greca.
Ju e konsideroni atë trathtar, duke rrjeshtuar dy fakte. Le ti analizojme ato:
1) U rreshtua në radhët e Ballit Kombëtar.
E dinë të gjithë shqiptarët se rreshtimi në këto radhë nuk ka formuar, në të gjitha rastet, trathti. Këtu përfshihen vetëm ata që bashkëpunian me italianë dhe gjermanët pushtues dhe u përdorën prej tyre për të vrarë, burgosur e internuar të pafajshmit dhe që, në rrethana të caktuara, u përfshinë në qeveritë kuislinge. (Lexo gazetarin amerikan Peter Lucas, te libri “Misioni Amerikan në Shqipëri”). Hysni Lepenica, Abaz Ermenji, Muhamet Bajraktari dhe shumë të tjerë, e midis tyre edhe Reshat Agaj nuk mund të futen në këtë kategori, pra nuk jane trathtarë të idealeve atdhetare e të aleatëve anglo-amerikane.
2) U kap nga partizanët dhe u mbajt nga ata gjatë inkursionitë tyre në veri, derisa gjeti rastin e volitshëm për t’u liruar prej tyre.
Të siguroj se nuk e ka vendosur asnjëherë yllin në ballë, siç supozoni ju, pa asnje referim (shtrëmbëroni edhe vetë argumentat e paraqitura nga gazetari Dalip Greca). Ku qëndron këtu trathtia? Ai u kap prej tyre, në të vërtetë u detyrua jashtë pëlqimit të tij dhe me të gjetur rastin e mundësinë, shfrytëzoi rrethanat e farefisnisë, për t’u liruar.
Edhe ca shtojca të tjera të shprehura nga ju, jashtë kontekstit të origjinali Greca: Reshat Agaj lufton, në krahun e antinacionalisteve. Luftë me morat, po, thotë Greca, ndërs ti thua lufton kundër nacionalistëve.
Ka, te shkrimi juaj edhe plotë të pavërteta e shtrëmberime për Reshatin, ku bëni një faj , duket të pashlyeshëm, po dhe për çdo gjë tjetër, sado të vogël, vlonjate e toske. Bile edhe Vlorën e quani Vlonë, ndërsa babës tim ja ndroni gërmën e emrit m në n, dhe dikujt tjetër, një gërmë të mbiemrit, nga z në s. Gjithashtu, ju, harroni se shumë partizanë dhe antitedeskë kishte edhe në veri, në Shkodër, Dibër e kudo, bile nga paria e vendit, përfshirë dhe katolikë.
Me çka thash më sipër, nuk mund të harroet terori i kuq dhe lufta e egër e klasave, që e kemi ndjerë në kuriz edhe ne në Vlorë, po sidomos fisi i madh patriot i Agajve të Labëris, që juve e kini fyer keqas, duke u nxituar ndofta pa qëllim, por që nuk po guxoni ta pranoni puiblikisht.
Ju pretendoni se nuk do përgjegjeni më, por unë, si më i moshuar dhe ( të jeni të sigurtë) dashamirës, ju këshilloj të reflektoni dhe gjithashtu, ti përgjigjeni edhe pyetjes sime.
Të fala, me shëndet! 9 Janar 2009, Luan Kaman Çipi
