Nga Luan Çipi
I nderuari z.Paul,
Në vazhdim të përcaktimit të identitetit të saktë politik te z. Reshat Agaj, të cilin e kam konsideruar patriot të vërtetë, përveç çkam shkruar, ju shtoj sa më poshtë:
Ju, në shkrimin e datës 2 Shkurt 2009 te “Tribuna Shqiptare”, pasi pranoni pohimet e mia, kërkoni “kundra-argumenta” dhe, në princip, mirë bëni. Por, më duket se, në rastin konkret, kot kërkoni “kundra”, kur nuk ka “argumenta”.
Ju thoni se kini paraqitur argumetat dhe faktet e z. Dalip Greca dhe porositni që kondradiktën përcaktojeni ju vlonjatët, ndërmjet vedi.
Rilexova shkrimin e z. Dalip Greca, që me sa di unë, nuk është vlonjat (Po ç’rëndësi ka kjo, ju, të gjithë jugorët në një grup i futni). Ajo benë fjalë për përkthyesin e parë të “Kujtimeve” të Ismail Qemalit. Atje, asnjë argument nuk flet në favor të dilemës tuaj dhe i ndjeri Reshat Agaj asnjëherë nuk cilësohet si trathtar. Përkundrazi z. Dalip Greca e paraqet atë fillimisht si nëpunës të Mbretit Zog e më pas anëtar të Organizatës së Ballit Kombëtar, që rrethanat e detyruan të ndiqte lëvizjen e brigadave partizane drejt veriut deri sa u lirua (nga ky burg i vertetë), “nuk bashkëpunoj me sigurimin e shtetit Shqiptar”, që njerin prej vllezërve ia pushkatoi diktatura komuniste. Dalipi thotë për Reshatin tekstualisht se la një emër të mirë si emigrant politik dhe ishte veprimtar i diasporës shqiptare dhe që shkroi e përktheu, deri sa vdiq, te “Atdheu”, “Dielli” dhe ”Flamuri”.
Pra, argumentat dhe të z. Dalip Greca, flasin në favor të patriotit të vërtetë, Reshat Agaj.
Më duket se ju, ingjiner Pauli, në shkrimin tuaj, nuk e kini shtruar drejtë pyetjen Reshat Agaj patriot, apo trathtar. Dhe kjo, nga ana juaj duhet të pranohet publikisht, pa lodra fjalësh. Kushdo mund të nxitohet e të gabojë.
Nga ana tjetër, ju që kërkoni kundra-argumenta, duhet ti përgjigjeni me sinqeritet pyetjeve të mia, pa i anash kaluar, në mënyrë që, si shkodran tradite, të kontribuoni për paqe e miqsi e jo për luftë dhe armiqsi.
Të fala, me shëndet! Luan Çipi, 6 shkurt 2009
