Nga Paul Tedeschini
I nderti zotni Luan Kaman Çipi!
Lexova reagimin tuej rreth shkrimit tim me titull “Reshat Agaj, patriot apo trathtar” (http://tribunashqiptare.com/news/132/ARTICLE/3346/2010-01-24.html ). Ne reagimin tuej me titull “Reshat Agaj, ka qenë patriot i vërtetë” ( http://tribunashqiptare.com/news/132/ARTICLE/3403/2010-02-01.html ) ju tregoni çka dini rreth Reshat Agajt, rreth babait te tij, rreth vllajt te tij, rreth familjes dhe fisit te tij, bile edhe rreth krejte qindra smokthinjotëve sypatrembur e heroik. Un mesova nga reagimi juej gjana shume pozitive rreth patriotve te vertete vlonjat, te cilet dhane edhe jeten per token shqiptare, sepse komunistet vlonjat, qe shtypen popullin per gjyse shekulli dhe ishin bashkepuntor te ngushte te anmikut tone te perbashket sllav, keto gjana na i kan msheh si “antikomuniste” . Dhe keni ba shume mire qe keni shkrue rreth vlerave te ktyne patriotve vlonjat, rreth te cilve ndoshta edhe lexues te tjere si un nuk kan pase dijeni. Kjo tregon se sa i ndjeshem jeni ju ne vlersimin e ndjenjave patriotike te zones ku ju lindet, ku ju jetuet dhe per pasoje ju i njihni ma mire se na te tjeret. Asht detyre e te gjithe lexuesve te kontribuojne per krahinat e veta siç e bate ju dhe keshtu te plotesohet kuadri i krejte tokave mbarshqiptare.
Me gjithe keto ane pozitive te shkrimit tuej, ky shkrim ka edhe ndonji ane negative, te cilen ju nuk duhet ta perseritni ne shkrimet e tjera.
Ana kryesore negative e shkrimit tuej asht mungesa kundra-argumentave.
Ç’ka done me thane termi “kundra-argumenta” ?
Termi “kundra-argumenta” don te thote se kur dikush mbron nji mendim te tijin me nji argument, atehere mendimit te tij nuk mund ti kundravehesh me gjana qe ai as ka thane dhe as ka trajtue ne shkrimin vet. Keshtu ju duhet te paraqitni argumentat e jueja te kunderta rreth atyne gjanave qe un kam thane dhe jo rreth atyne gjanave qe un nuk kam thane, por qe ndoshta ju mund ti keni ne mendjen tuej.
Ne shkrimin tim te cilit ju i referoheni, un as kam fole rreth babait te Reshat Agajt, as rreth vllajt te Reshat Agajt, as rreth familjes se Reshat Agajt, as rreth fisit te Reshat Agajt, bile edhe as rreth krejte qindra smokthinjotëve sypatrembur e heroik ,te cilet ju kot se koti i citoni. Un nuk kam fole as edhe per Ismail Qemalin. Un vetem kam analizue dy pohime te Dalip Greces ne shkrimin tij me titull “Emigranti politik qe pertheu "Kujtimet" e Ismail Qemalit” (publikue ne http://tribunashqiptare.com/news/131/ARTICLE/3226/2010-01-08.html ) ku autori i shkrimit nder te tjera ban dy pohime per Reshat Agajn se:
1- “Ai u rreshtua në radhët e Ballit Kombëtar“ dhe ma vone,
2- “Mbas ikjes se gjermanve … kishte marrë një letër nga Hysni Kapo se nuk do të kishte pasoja. Qëndroi. Menjëherë e nisën në radhët e Brigadës 23 partizane dhe u end në të ftohtët e dimrit të egër nëpër Shalë, Shosh, Pukë, më pas zbritën në Shkodër , për t’u ngjitur sërish në Dukagjin.”. I sulmuar nga të ftohtët dhe morrat, e ndjeu veten fatkeq. Kur brigada ishte hedhur nga Shala në Pukë, Reshati e kishte ndier veten me fat, se ishte takuar me Kadri Hazbiun, nipin …..”.
Nga keto dy pohime te z.Dalip Grecës, gjithkujt i lind logjikisht pyetja: “Reshat Agaj, patriot apo trathtar?” , sepse nga ky shkrim del se Reshat Agaj gjate jetes se vet ka luftue me dy flamur: nji here lufton ne krahun e nacionalisteve me flamurin pa yllin komunist dhe del patriot, dhe mandej per interesat e veta te ngushta personale lufton ne krahun e antinacionalisteve internacionalist me flamurin me yllin komunist dhe per pasoje del trathtar.
Z.Dalip Greca ne shkrimin e tij te gjate jep argumenta dhe fakte se vlonjati Reshat Agaj ka qene trathtar. Juve z. Luan Kaman Çipi nuk paraqitni asnji kundra-argument qe te hjedhin poshte argumentat e z.Dalip Grecës.
Prandej nji here percaktonje ju vlonjatet ndermjet vedit pozicionin e vertete te vlonjatit Reshat Agaj dhe mandej na e tregoni neve te tjerve se a ka qene patriot apo trathtar Reshat Agaj.
Te fala miqesore Paul Tedeschini, 02.02.2010
