Poezi dritës sime në maternitet

Ti që erdhe në muajin e marsit

të Revolucionit Kosovar,

ty që,

babait tim ja ndërrove

emrin në Babëgjysh,

shtegtarë.

Ty,që

edhe Nanës sime të shenjtë

ja ngjite emrin

gjyshe!

dhe pate shumë të drejtë.

Ty që vëllezërit e mi

do t’i thërrasësh

prej sotit

dajë e dajalokë.

Ty që motrës sime

të dashur

prej soti

ja ndërrove

emrin jo në dadë

por në lumëteze.

Ty që

edhe ,vëllaun e babait

tënd

do ta therrasësh

me dashuri

xhaxha!

Ty që do të rritësh

për  99 qejfe,

ty që do ta mësosh

më vonë

se në vijmë nga

të tjera shtete.

Ty që të prita

të takojë me muaj,

e durimi im kishte kufi

ti që shpresën ma rrite,

tani kënaqu ti me mue

 e unë do të kënaqem me ty.

Ty që prej sotit,

edhe mue ma ndërrove

emrin në Nanë,

emër i shenjtë,

për të shenjtëruarit

tanë.

Ty që edhe bashkëshortin tim

nga sot,

e pagëzove me emër

tjetër Baba ose babalok,

përjetë e mot.

Ty që nga materniteti,

të emrova ,me emrin

LEART

ty që nga materniteti

t’i zografisa këta rreshta

me dhembjet e mia në stomakë.

Ty që

të deshirojë

fëmijëri të lumtur,

e jetë gjatësi

të jesh gjithëmonë

I bekuar nga kjo Perëndi!

Albianë (Lulaj) Berisha

*Albianë (Lulaj) Berisha , ka të mbaruar fakultetin e farmacisë në Gjermani. Jeton në Gjermani dhe punon në një farmaci.Ajo rrjedh nga një familje me të dy prindërit intelektual. Miiret me shkrime, poezi dhe prozë të cilat rrallë i dërgon për botim.